"Xornada de accesibilidade cognitiva en espazos" da asociación FADEMGA Plena inclusión Galicia

A xornada terá lugar o vindeiro 21 de marzo na Escola Galega de Administración Pública (EGAP), en Santiago de Compostela

Desde XATEmprego facémonos eco da "Xornada de accesibilidade cognitiva en espazos" que promove FADEMGA Plena inclusión Galicia.

A xornada, para a que xa está aberto o prazo de inscrición, terá lugar o vindeiro 21 de marzo na Escola Galega de Administración Pública (EGAP), en Santiago de Compostela, tendo como obxectivo principal sensibilizar e formar sobre a importancia da accesibilidade cognitiva, promovendo espazos máis comprensibles e accesibles para todas as persoas.

Na xornada contarase con persoas expertas na materia chegadas dende a Oficina de Accesibilidade Cognitiva e Lectura Fácil de Estremadura, dende o Servizo de Información Accesible de Plena inclusión Región de Murcia e mesmo do laboratorio de Diversidade, Cognición e Linguaxe da Universidade de Sevilla. Asemade, poderemos escoitar experiencias de boas prácticas e mesas de debate para compartir coñecementos e propostas innovadoras.

A xornada está dirixida a profesionais, entidades sociais, administracións públicas e todas aquelas persoas interesadas en contribuír a unha sociedade máis accesible e inclusiva!

As prazas son limitadas, polo que animamos a todas as persoas interesadas a inscribirse canto antes.

Nos seguintes enlaces pódese acceder a toda a información da xornada e formalizar a inscrición.

Máis información Portal web do evento

Nestoutra ligazón pódese acceder ao formulario de inscrición.

Formulario de inscrición